Quen somosBlogActividades de Educación AmbientalTecnoloxíaNaturezaDocumentaisMicrodocumentaisArtigos de opiniónColaboradoresEnlaces de interésFondos de escritorioZona privadaUtilidadesNovidades |
E despois dos incendios, que? Pois isto non acaba aquí. A Xunta de Galicia prometeu árbores autóctonas para os afectados. Carballos, castiñeiros, bidueiros, nogais, piñeiros... agora, eu pregúntome: de onde sairán tantas árbores? Explícome: queimáronse unhas 90.000 Ha de monte (iso son 900.000.000 m2). Nas plantacións adecuadas de árbores ten que haber uns 5 metros coma mínimo entre árbore e árbore. Entón, para unha hectárea de terreo necesitariamos 200 árbores. Para todo o que se queimou serían aproximadamente 18 millóns de árbores. E eu pregúntome: de onde sairán todas esas árbores? Nin tódolos viveiros de Galicia (e parte do estranxeiro), coa axuda dos laboratorios mellor equipados de biotecnoloxía vexetal na área de micropropagación poden acadar tal inxente cantidade. Vaise a reforestar con especies vidas de sabediós onde nas viaxes de Marco Polo? Piñeiros traídos da China coma a seda, carballo americano, acacias da África negra... Pasen e vexan, señores! O reino das mil marabillas! Temos secuoias e eucaliptos, piñeiros e acacias e todo iso ó lado dun deserto de outeiros de pedras. Ou, a outra opción probable. Que esteamos de sorte e somentes sexan promesas de índole política para calmar os ánimos no momento apropiado. A natureza galega seguirá o seu curso sen a axuda daqueles que teñen o poder, coma ata o de agora. Señores, seriedade e sinceridade, hai moito que facer, e o mellor é comezar polo principio: cubride os montes con herba antes de que se nos vaia todo ó fondo do mar!!! Se dentro duns meses non hai chan, que imos reforestar??? |